Home Contact Phone
background

Xəbərlər

  • Sabirabadda həqiqi hərbi xidmətə növbəti ça...

    Sabirabadda həqiqi hərbi xidmətə növbəti çağırış başlanmışdır

    2019-01-03

    Möhtərəm Prezidentimiz, Ali Baş Komandan cənab İlham Əliyevin sərəncamı ilə bu il yanvarın 1-dən ölkəmizdə həqiqi hərbi xidmətə növbəti çağırış başlanmışdır. Yanvarın 3-də Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Sabirabad rayon şöbəsində təntənəli yolasalma mərasimi keçirilmişdir. Çağırışçı gənclər, onların valideynləri, qohumları, dostları buraya toplaşmışdılar. Mərasim iştirakçıları, hüquq-mühafizə orqanlarının, idarə, müəssisə və təşkilatların rəhbərləri, ictimaiyyətin nümayəndələri ulu öndər Heydər Əliyevin büstü önünə gül dəstələri qoymuşlar. Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti Sabirabad rayon şöbəsinin rəisi Rəsul Babayev çıxış edərək, ölkə Prezidentinin müvafiq sərəncamından irəli gələn vəzifələrdən danışmş, gənclərə Vətənə layiqincə qulluq göstərmələrini, rayonun adını uca tutmalarını, hərbi biliklərə dərindən yiyələnmələrini, komandirlərinin tapşırıqlarını dəqiq və vaxtında yerinə yetirmələrini tövsiyə etmiş, onlara uğurlu yol arzulamışdır.

  • Azərbaycan polisinin məcburi köçkünlərə bay...

    Azərbaycan polisinin məcburi köçkünlərə bayram sovqatı

    2018-12-29

    31 dekabr - Dünya Azərbaycanlılarının Həmrəyliyi Günü və Yeni il bayramları ərəfəsində Daxili İşlər Nazirliyinin bir qrup əməkdaşı rayonumuzun Şəhriyar kəndi ərazisində salınmış qəsəbədə məcburi köçkünlərlə görüşmüşdür. Daxili İşlər Nazirinin müavini, polis general-leytenantı İsmət Əliyev məcburi köçkünlərə Daxili İşlər Naziri general-polkovnik Ramil Usubovun bayram təbriklərini çatdırmış, 31 dekabr - Dünya Azərbaycanlılarının Həmrəyliyi Günü və Yeni il bayramları münasibətilə onları təbrik etmişdir. Çıxışına davam edən nazir müavini dövlətimizin başçısı cənab İlham Əliyevin qaçqın və məcburi köçkünlərin problemlərinə hər zaman xüsusi diqqət və qayğı ilə yanaşmasından danışmışdır. Rayon İcra Hakimiyyətinin başçısı Nazim İsmayılov çıxışında bildirmişdir ki, qaçqın və məcburi köçkünlərə diqqət və qayğının əsası ulu öndər Heydər Əliyev tərəfindən qoyulmuşdur. Bu siyasi kurs möhtərəm Prezidentimiz cənab İlham Əliyev tərəfindən uğurla davam etdirilir. Nazim İsmayılov da məcburi köçkünlərə bayram təbriklərini və xoş arzularını çatdırmışdır.

  • Sabirabadda “Kütləvi çıxarış” kampaniyas...

    Sabirabadda “Kütləvi çıxarış” kampaniyası keçirilmişdir

    2018-12-27

    Əmlak Məsələləri üzrə Dövlət Komitəsi tərəfindən Dünya Azərbaycanlılarının Həmrəylik Günü və Yeni il ərəfəsində Sabirabad rayonunda “Kütləvi çıxarış” kampaniyası keçirilmişdir. Tədbirdə qeyd edilmişdir ki, Əmlak Məsələləri Dövlət Komitəsi vətəndaş məmnunluğunu artırmaq məqsədilə ictimai xidmətlərdə sosial aksiyaları mütəmadi olaraq keçirir. “Kütləvi çıxarış”, “Əmlakını qeydiyyata al və mülkiyyətinə sahib ol” kampaniyası ilə xidmətin vətəndaşın ünvanına çatdırılması, mülkiyyət hüquqlarının geniş təminatı, vətəndaşların xidmətlərdən rahat istifadəsi, daşınmaz əmlakların çevik qeydiyyatı reallaşır. “Kütləvi çıxarış” kampaniyası ilə vətəndaşlara birbaşa ünvanlarında, iş yerlərində hazır çıxarışlar təqdim olunur, qeydiyyat xidmətləri göstərilir.

  • Sabirabad Olimpiya İdman Kompleksində futbol fet...

    Sabirabad Olimpiya İdman Kompleksində futbol fetstivalı keçirilmişdir

    2018-12-25

    Sabirabad Olimpiya İdman Kompleksində futbol festivalı keçirilmişdir. Festivalda rayon İcra Hakimiyyətinin başçısı Nazim İsmayılov, AFFA-nın I vitse-prezidenti, Uşaq və Gənclər Futbol Federasiyasının prezidenti, Milli Məclisin deputatı Rauf Əliyev, Millət vəkilləri İlham Əliyev, Elçin Quliyev və gənc idmançılar iştirak etmişlər. Festivalda giriş sözü ilə çıxış edən Regional Futbol Federasiyası İctimai Birliyinin prezidenti, Sabirabad Gənclər və İdman idarəsinin rəisi Nadir Quliyev ölkəmizdə idmana və dövlət gənclər siyasətinə göstərilən diqqət və qayğıdan danışmışdır. AFFA-nın vitse-prezidenti, Uşaq və Gənclər Futbol Federasiyasının prezidenti, Milli Məclisin deputatı Rauf Əliyev çıxışında bildirmişdir ki, belə görüşlərin təşkili istedadlı uşaqların aşkar edilməsi, onların gələcəkdə milli komandamıza namizəd hazırlanması işində çox əhəmiyyətlidir. Azərbaycanda futbolun böyük adət-ənənələri vardır.

  • Şıxlar kəndinin sakinləri ilə səyyar görü...

    Şıxlar kəndinin sakinləri ilə səyyar görüş keçirilmişdir

    2018-12-25

    Mürsəlli kənd tam orta məktəbinin iclas zalında Şıxlar kənd əhalisi ilə Sabirabad rayon İcra Hakimiyyətinin başçısı Nazim İsmayılovun səyyar görüşü keçirilmişdir. Kənd əhalisi qarşısında çıxış edən Nazim İsmayılov kənd təsərrüfatının inkişafı ilə bağlı dövlət siyasətindən, dövlət başçısı cənab İlham Əliyevin bu sahəyə göstərdiyi diqqət və qayğıdan danışmışdır. O qeyd etmişdir ki, ölkəmizdə pambıqçılığın inkişaf etdirilməsi kənd təsərrüfatı ilə məşğul olan kənd sakinlərində böyük maraq doğurmuş, torpaq mülkiyyətçilərinin gəlirlərinin xeyli artmasına, əmək qabiliyyətli əhalinin məşğulluğunun yüksəlməsinə səbəb olmuşdur.

Foto qalereya