Home Contact Phone
background

Xəbərlər

  • Əhmədabad kəndində növbəti səyyar görüş-...

    Əhmədabad kəndində növbəti səyyar görüş-qəbul keçirilmişdir

    2020-03-03

    Sabirabad rayon İcra Hakimiyyətinin başçısı Siraqəddin Cabbarov rayonun Əhmədabad kənd sakinləri ilə səyyar görüş-qəbulu keçirmişdir. Görüş-qəbulda xidmət təşkilatlarının rəhbərləri və kənd sakinləri iştirak etmişlər. Rayon İcra Hakimiyyətinin başçısı çıxış edərək kənd sakinlərini salamlamış, ölkəmizdə sosial-iqtisadi sahədə qazanılan uğurlardan, həmin işlərin fonunda Azərbaycan Respublikasının Prezidenti cənab İlham Əliyevin bölgəyə göstərdiyi xüsusi diqqət və qayğıdan, eləcə də Sabirabad rayonunda aparılan tikinti-quruculuq işlərindən, əhalinin sosial problemlərinin həlli istiqamətində həyata keçirilən tədbirlərdən ətraflı danışmışdır. Sonra kənd sakinləri onları narahat edən sosial məsələlərin həlli ilə bağlı təkliflər irəli sürmüşlər.

  • Xocalı soyqırımı qurbanlarının xatirəsi Sab...

    Xocalı soyqırımı qurbanlarının xatirəsi Sabirabad rayonunda da dərin kədər hissi ilə yad edilmişdir

    2020-02-26

    Sabirabad rayon Dövlət Bayrağı Muzeyində Xocalı soyqırımına həsr olunmuş anım mərasimi keçirilmişdir. Tədbirdə rayonumuzda məskunlaşmış Xocalı sakinləri, idarə və müəssisə rəhbərləri, ictimaiyyətin nümayəndələri iştirak etmişlər. Anım mərasimindən öncə iştirakçılar Dövlət Bayrağı Muzeyində Xocalı qətliamı ilə bağlı hazırlanmış sərgi ilə tanış olmuşlar. Rayon İcra Hakimiyyətinin başçısı Siraqəddin Cabbarov tədbiri giriş sözü ilə açdıqdan sonra faciə qurbanlarının xatirəsi bir dəqiqəlik sükutla yad edilmişdir. Siraqəddin Cabbarov Xocalı soyqırımı barədə ətraflı məlumat vermiş, erməni cəlladlarının törətdikləri vəhşilikləri pisləmişdir. Qeyd etmişdir ki, Ermənistanın silahlı qüvvələri 1992-ci il fevralın 25-dən 26-na keçən gecə Rusiyanın 366-cı motoatıcı alayının yaxından köməyi, xarici ölkələrdən gələn erməni yaraqlılarının iştirakı ilə köməksiz insanlara qəflətən hücum etmişlər. Bu soyqırım nəticəsində həmin gecə Xocalıda 613 nəfər qətlə yetirilmişdir. Onlardan 63-ü uşaq, 106-sı qadın, 70-i qoca insanlar olmuşlar. 8 ailə tamamilə məhv edilmişdir. 25 uşaq hər iki valideynini, 130 uşaq isə valideynlərindən birini itirmişdir. 1275 nəfər əsir götürülmüşdür. Həmin adamlardan 150-sinin taleyi hələ də məlum deyil. Təəssüf ki, tarixin ən dəhşətli bir qırğınının baş verdiyi dövrdə Azərbaycanda hakimiyyətdəki rəhbərlər, eləcə də müxalifətçi qüvvələr bu faciəyə lazımi münasibət bildirməmişlər. Hər bir vətəndaşının müdafiəsini təmin etməyə borclu olan respublikanın o zamankı rəhbərliyi tam fəaliyyətsizlik, xalqın taleyinə biganəlik göstərmiş, onların köməyinə yetməmiş, dünya ictimaiyyətini vaxtında məlumatlandırmamışlar.

  • Fövqəladə Hallar Nazirliyinin Dövlət Yanğın...

    Fövqəladə Hallar Nazirliyinin Dövlət Yanğın Nəzarəti Xidmətinin zibilxanaların, kol-kosun yandırılmasının qarşısının alınması ilə bağlı əhaliyə müraciəti

    2020-02-24

    Fövqəladə Hallar Nazirliyinin “112” qaynar xəttinə hardasa zibilliklərin, kol-kosun yanması ilə bağlı hər gün məlumat daxil olur. Yaşayış evlərində, iri ticarət müəssisələrində, zavodlarda və digər böyük obyektlərdə baş verən yanğınlar insanları həyəcanlandırdığı halda, zibilliklərin, kol-kosun yanması çoxlarına əhəmiyyətsiz görünür. Əslində isə hər bir yanğın fövqəladə hadisədir. Yanğının böyüyü, kiçiyi yoxdur. Çünki çox vaxt böyük yanğınlar kiçik yanğınlardan törəyir. Əgər yol kənarında kol-kos yanaraq meşəyə keçirsə və yüzlərlə hektar meşə sahəsi məhv olursa, yaxud biçilmiş, məhsulu yığılmış taxıl sahəsi yandırılırsa və bu yanğın ot tayasına, evə keçirsə və ekologiyaya ziyan dəyirsə, buna əhəmiyyətsiz yanğın demək olmaz.

  • Fövqəladə Hallar Nazirliyinin Dövlət Yanğın...

    Fövqəladə Hallar Nazirliyinin Dövlət Yanğın Nəzarəti Xidmətinin bina və qurğuların ildirımdan mühafizəsi ilə bağlı əhaliyə müraciəti

    2020-02-24

    İldırım təbiət hadisəsi olsa da bəzən yanğın və partlayışlara, çox böyük fəlakətlərə səbəb olur. Binaların, qurğuların və sənaye kommunikasiyalarının ildırımdan mühafizə qurğularının quraşdırılması üzrə təlimat mövcuddur. Bu təlimat binaların, qurğuların və sənaye kommunikasiyalarının layihələndirilməsi, tikintisi, istismarı, həmçinin yenidən qurulması zamanı istifadə üçün nəzərdə tutulub. Binaların, qurğuların və sənaye kommunikasiyalarının ildırımdan mühafizə qurğularının quraşdırılması üzrə təlimat idarə tabeçiliyindən və mülkiyyət formasından asılı olmayaraq bütün növlərdə olan binalara, qurğulara və sənaye kommunikasiyalarına şamil edilir. Hər hansı bir sahə üzrə normativ sənədlərin tələbləri bu metodik göstərişın tələblərindən daha sərt olduğu halda ildırımdan mühafizənin işlənməsi (layihələndirilməsi) zamanı sahə normativinin tələblərini yerinə yetirmək tələb olunur. Mühafizə olunacaq obyektin texnoloji xüsusiyyətləri ilə ildırımdan mühafizə qurğularının quraşdırılması üzrə təlimatın tələblərini uyğunlaşdırmaq mümkün olmadıqda da eyni ilə hərəkət etmək lazımdır. Bu zaman istifadə olunan ildırımdan mühafizə vasitələri və üsulları tələb olunan etibarlılığı təmin etməlidir. Binaların, qurğuların və sənaye kommunikasiyalarının layihələndirilməsi zamanı təlimatın tələblərindən başqa əlavə olaraq ildırımdan mühafizənin yerinə yetirilməsinə qüvvədə olan digər normalar, qaydalar, təlimatlar və dövlət standartları nəzərə alınmalıdır.

  • Gənclərin İnkişaf və Karyera Mərkəzinin Sab...

    Gənclərin İnkişaf və Karyera Mərkəzinin Sabirabad nümayəndəliyi fəaliyyətə başlayıb

    2020-02-21

    Gənclərin İnkişaf və Karyera Mərkəzinin Sabirabad nümayəndəliyinin Sabirabad şəhəri Heydər Əliyev Mərkəzində fəaliyyətə başlaması münasibəti ilə keçirilən tədbirlərdə rayon İcra Hakimiyyətinin rəhbərliyi, Gənclər Fondunun, Gənclərin İnkişaf və Karyera Mərkəzinin nümayəndələri və rayon gəncləri iştirak etmişlər. Açılış tədbirində Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən dövlət gənclər siyasəti nəticəsində ölkəmizdə gənclər üçün yaradılan imkanlardan danışılıb. Bildirilmişdir ki, ölkə başçısının “Azərbaycan Respublikasının Gənclər Fondunun fəaliyyətinin dəstəklənməsi ilə bağlı əlavə tədbirlər haqqında” Sərəncamına əsasən yaradılan nümayəndəliklərin fəaliyyətinin əsas məqsədi dövlət gənclər siyasətinin tələblərinə uyğun olaraq gənclərin hərtərəfli inkişafını təmin etməkdən, Ümummilli lider Heydər Əliyevin dövlətçilik fəlsəfəsini, azərbaycançılıq məfkurəsini gənc nəslin daha dərindən mənimsəməsi işinə töhfə verməkdən ibarətdir. Yeni yaradılan nümayəndəliklərdə gənclərin əlavə bilik və bacarıqlara yiyələnmələri üçün müxtəlif peşə təlimləri və ustad dərsləri, təhsil və təcrübə proqramları, görüşlər, seminarlar, intellektual oyunlar və digər tədbirlər təşkil olunacaq. Regionlarda yaşayan gənclər dövlət tərəfindən onlar üçün yaradılan imkanlar barədə nümayəndəliklər vasitəsilə məlumat və məsləhət almaq, həmçinin müxtəlif proqramlara müraciət və onlarda iştirak imkanı qazanacaqlar.

  • Fövqəladə Hallar Nazirliyinin Dövlət Yanğın...

    Fövqəladə Hallar Nazirliyinin Dövlət Yanğın Nəzarəti Xidmətinin daşınmaz əmlakın icbari sığortası ilə bağlı əhaliyə müraciəti

    2020-02-20

    Daşınmaz əmlakın icbari sığortası təbii və texnogen hadisə və fəlakətlərdən iqtisadiyyatın qorunması üçün düşünülmüş və həyata keçirilən, real əhəmiyyət verən bir prosesdir. Daşınmaz əmlakla bağlı baş verən hadisələr arasında ən çox rast gəlinən yanğın hadisəsidir. Yanğın nədir?! Niyə baş verir?! Qarşısının alınması mümkündürmü?! Hər hansı bir yanğının baş verməsi üçün bir yerdə yanan maddə, yandıran enerji və oksigen bolluğu olmalıdır. Bu sadalananların hər üçünün kifayət qədər olduğu məkan insanların tikib qurmuş olduğu, müxtəlif enerji növləri ilə təchiz edib, içini məişət və istehsalat avadanlıqları ilə doldurmuş olduğu tikililərdir. Harada ki, ixtisasından, sənətindən, məşğuliyyət növündən asılı olmadan insan vardırsa, orada enerjidən istifadə olunur, müxtəlif təyinatlı avadanlıqlar istismar edilir. Hər hansı qəza, yaxud enerjidən səhlənkar, ehtiyatsızcasına, normalara zidd şəkildə istifadə olunursa, bu yerlərdə yanğın hadisəsi qaçılmazdır. Arzuolunmayan yanğın hadisələrinin qəsdən törədilməsi halları ümumi yanğın saylarının çox cüzi bir hissəsini təşkil edir, yəni hər dəfə yanğın baş verirsə bu hökmən normativlərə, standartlara, qaydalara bilərəkdən və ya bilmədən əməl etməmə səbəbindən baş vermişdir. Məqsədli və ya məqsədsiz qayda pozuntusu eyni nəticələrə gətirir və məqsədli qayda pozuntusu ilə məqsədsiz qayda pozuntusunu, təəccüblü görünsə də, bəzən ayırmaq çətin olur. Məsələn: yataq otağında qeyri-standart elektrik peçi ilə qızınmaq istəyən şəxsin gətirib quraşdırmış olduğu peçin yanğına səbəb olması məqsədli – yəni, otağı qızdırmaq üçün edilmiş hərəkətdir, amma bu qeyri-standart – təhlükəli elektrik qızdırıcısından istifadə etmək, yanar maddələrin arasında bunu qoşmaq – etinasızlıq təhlükəni dərk etməmək səbəbindən məqsədsiz hərəkət hesab oluna bilər. Məişətdə və istehsalatda daim enerji ilə yaşayan və işləyən insanın əhatəsində yanar maddələr mövcuddur. İnsan istismar qaydalarını pozmağa meyllidir, bəzən rahatçılığını qaydaların pozulması hesabına tapandır, bəzən təhlükəsizlik qaydalarına əməl etməyə çəkiləcək xərcləri normalar və qaydalara əməl etməmə hesabına minimuma endirməyə çalışandır, bu səbəbdən də hər hansı bir şəkildə enerji istifadəsində norma və standartlara, qaydalara ehtiyatsız yanaşmaq, etinasız münasibət yaranır ki, bu da yanğın hadisələrini qaçılmaz edir.

  • Sabirabad rayonunda 2019-cu ilin sosial-iqtisadi i...

    Sabirabad rayonunda 2019-cu ilin sosial-iqtisadi inkişafının yekunlarına və 2020-ci ildə qarşıda duran vəzifələrə həsr olunmuş hesabat yığıncağı keçirilmişdir

    2020-02-17

    Sabirabad rayon Mədəniyyət Mərkəzində Sabirabad rayonunda 2019-cu ilin sosial-iqtisadi inkişafının yekunlarına və 2020-ci ildə qarşıda duran vəzifələrə həsr olunmuş hesabat yığıncağı keçirilmişdir. Tədbirdən əvvəl Ulu Öndər Heydər Əliyevin abidəsi önünə gül dəstələri qoyulmuş, rayon iqtisadiyyatını əhatə edən sərgiyə baxış keçirilmişdir. Hesabat yığıncağına hüquq mühafizə orqanlarının, idarə, müəssisə və təşkilatların rəhbərləri, ərazi icra nümayəndələri, bələdiyyə sədrləri, təhsil, səhiyyə və mədəniyyət işçiləri, Yeni Azərbaycan Partiyası rayon təşkilatının və digər siyasi partiyaların fəalları, ağsaqqalların, ziyalıların, gənclərin, qeyri-hökumət təşkilatlarının və kütləvi informasiya vasitələrinin nümayəndələri dəvət olunmuşlar. Yığıncaqda rayon İcra Hakimiyyətinin başçısı Siraqəddin Cabbarov hesabat məruzəsi ilə çıxış edərək qeyd etmişdir ki, keçən il Respublikada olduğu kimi Sabirabad rayonu üzrə bütün sahələrdə inkişaf dinamikası qorunub saxlanılmış, sosial obyektlərin tikintisi, sənaye və kənd təsərrüfatının inkişafi davam etdirilmişdir.

  • Növbəti səyyar görüş-qəbul Güdəcühür k...

    Növbəti səyyar görüş-qəbul Güdəcühür kəndində keçirilmişdir

    2020-02-14

    Sabirabad rayon İcra Hakimiyyətinin başçısının növbəti səyyar görüş-qəbulu Güdəcühür kənd sakinlərilə keçirilib. Görüşdə rayon İcra Hakimiyyətinin başçısı aparatının məsul işçiləri, xidmət təşkilatlarının rəhbərləri iştirak etmişlər. Sabirabad rayon İcra Hakimiyyətinin başçısı Siqaqəddin Cabbarov çıxış edərək kənd sakinlərini salamlamış, ölkəmizdə sosial-iqtisadi sahədə qazanılan uğurlardan, eləcə də Sabirabad rayonunda aparılan tikinti-quruculuq işlərindən, əhalinin sosial problemlərinin həlli istiqamətində həyata keçirilən tədbirlərdən ətraflı danışmışdır. Sonra kənd sakinləri onları narahat edən sosial məsələlərin həlli ilə bağlı təkliflər irəli sürmüşlər. Kənd sakinləri görüş-qəbul zamanı kənddə təsərrüfatdaxili kollektorların, su kanallarının, baş dren-kollektorun lildən təmizlənməsini, yolların təmirini və digər məsələlərin həll olunmasını xahiş etmişlər

  • Nəqliyyat, Rabitə və Yüksək Texnologiyalar na...

    Nəqliyyat, Rabitə və Yüksək Texnologiyalar naziri Ramin Quluzadə Sabirabadda növbəti vətəndaş qəbulu keçirib

    2020-02-14

    Mərkəzi icra hakimiyyəti orqanlarının, digər qurumların rəhbərlərinin və onların müavinlərinin şəhər və rayonlarda 2020-ci ilin fevral ayında vətəndaşları qəbul cədvəlinə uyğun olaraq Nəqliyyat, Rabitə və Yüksək Texnologiyalar naziri Ramin Quluzadə Sabirabad şəhəri Heydər Əliyev Mərkəzində Sabirabad və Saatlı rayon sakinlərini qəbul edib. Vətəndaşlar tərəfindən əsasən nəqliyyat, telekommunikasiya, informasiya texnologiyaları və poçt rabitəsi ilə bağlı müraciətlər səsləndirilib. Müraciətlərin bir qismi yerindəcə həll olunub, digərləri araşdırılması üçün nəzarətə götürülüb. Araşdırılması tələb olunan müraciətlərin mövcud qanunvericiliyin tələblərinə uyğun və operativ həlli ilə əlaqədar nazirliyin müvafiq qurumlarının rəhbərlərinə tapşırıqlar verilib.

  • Fövqəladə Hallar Nazirliyinin Dövlət Yanğın...

    Fövqəladə Hallar Nazirliyinin Dövlət Yanğın Nəzarəti Xidməti əhaliyə müraciət etmişdir.

    2020-02-12

    Son zamanlar qaz təsərrüfatının istismarı dövründə təhlükəsizlik qaydalarına düzgün riayət edilməməsi nəticəsində bir sıra bədbəxt hadisələr baş vermişdir. Belə bədbəxt hadisələrdən uzaq olmaq üçün təhlükəsizlik tədbirlərinə əməl edilməlidir. Belə ki, istənilən satış mərkəzində əldə edilən məişət cihazının müvafiq sənədləri ilə, o cümlədən texniki pasportu, uyğunluq sertifikatı və. s sənədləri ilə tanış olmalı, onların istifadə qaydasını satışı həyata keçirən mağazanın nümayəndəsindən öyrənmək lazımdır; Qaz cihazlarının istər obyektdə, istərsə də evdə quraşdırılması mütləq qaydada bu sahə üzrə ixtisaslaşmış mütəxəssislər tərəfindən həyata keçirilməlidir; Təyinatından asılı olmayaraq obyektlərdə və yaşayış sahələrində standarta uyğun olmayan qaz cihazlarından istifadə etmək olmaz;

  • Sabirabad rayon İcra Hakimiyyətinin başçısı ...

    Sabirabad rayon İcra Hakimiyyətinin başçısı Şıx Salahlı kəndində növbəti səyyar görüş-qəbul keçirmişdir

    2020-02-11

    Sabirabad rayon İcra Hakimiyyətinin başçısı Siraqəddin Cabbarov Şıx Salahlı kəndində səyyar görüş-qəbul keçirmişdir. Görüşü rayon İcra Hakimiyyətinin başçısı açaraq qeyd etmişdir ki, mütamadi olaraq əhali ilə keçirilən görüşlərdə əsas məqsəd kəndlərdə ümumi vəziyyəti öyrənmək və narahatçılıq yaradan məsələləri həll etməkdir. İcra başçısı ölkədə həyata keçirilən geniş sosial islahatlatlardan və o həmçinin kənd təsərrüfatının inkişafı ilə bağlı dövlət siyasətindən və bu sahəyə göstərilən diqqət və qayğıdan danışmışdır. Görüşdə iştirak edən 110 nəfər kənd sakininindən 8 nəfərin çıxışı qeydə alınmışdır. Çıxış edənlər su kanallarının, dren-kollektorların lildən təmizlənməsi, yolların təmiri və digər məsələlərin həll olunmasına köməklik göstərilməsini xahiş etmişlər. İcra başçısı 9 kənd sakinini də xahişlərilə fərdi qəbul etmişdir.

  • Çöl Beşdəli kəndində səyyar görüş-qəbul...

    Çöl Beşdəli kəndində səyyar görüş-qəbul keçirilib

    2020-02-06

    Sabirabad rayon İcra Hakimiyyətinin başçısı Siraqəddin Cabbarovun növbəti səyyar görüş-qəbulu rayonun Çöl Beşdəli kəndində keçirilmişdir. Görüşdə rayonun əlaqədar xidmət təşkilatlarının rəhbərləri iştirak etmişlər. Görüş iştirakçılarını salamlayan İcra Hakimiyyətinin başçısı Siraqəddin Cabbarov ölkə Prezidenti cənab İlham Əliyevin rəhbərliyi ilə ölkəmizdə həyata keçirilən geniş quruculuq işləri, iqtisadi və sosial sahələrin sürətli inkişafını təmin edən genişmiqyaslı layihələr barədə ətraflı məlumat vermişdir.

  • Sabirabad rayonunda ümumrayon müşavirəsi keçi...

    Sabirabad rayonunda ümumrayon müşavirəsi keçirilmişdir

    2020-02-06

    Fevralın 6-da rayon Mədəniyyət Mərkəzində «Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı»nın icrasının birinci ilinin yekunlarına həsr olunan konfransda Azərbaycan Respublikasının Prezidenti cənab İlham Əliyevin çıxışından irəli gələn vəzifələrin yerinə yetirilməsinə həsr olunmuş ümumrayon müşavirəsi keçirilmişdir. Müşavirədə çıxış edən Sabirabad rayon İcra Hakimiyyətinin başçısı Siraqəddin Cabbarov qeyd etmişdir ki, fevralın 3-də keçirilmiş konfransda dövlət başçısı qarşımıza mühüm vəzifələr qoymuşdur. Bu vəzifələrin arasında pambıqçılığın inkişafı əsas yer tutur və bu istiqamətində kompleks tədbirlər həyata keçirilir. Ölkənin pambıqçılıq, həmçinin baramaçılıq sahəsində mövcud potensialından maksimum səmərəli istiıfadə olunması hesabına bir tərəfdən kənd yerlərində əhalinin məşğulluğu və gəlir əldə etmək imkanları təmin olunur, digər tərəfdən isə ölkənin ixrac potensialı daha da gücləndirilir.

  • Əliləmbəyli kəndində növbəti səyyar görü...

    Əliləmbəyli kəndində növbəti səyyar görüş-qəbul keçirildi

    2020-02-04

    Rayon İcra Hakimiyyətinin başçısı Siraqəddin Cabbarovun Əliləmbəyli kənd sakinləri ilə səyyar görüş-qəbulu keçirilib. RİH-nin məsul işçilərinin, idarə, müəssisə və xidmət təşkilatlarının rəhbərlərinin və kənd sakinlərinin iştirak etdiyi səyyar görüş-qəbulda rayon İcra Hakimiyyətinin başçısı Azərbaycan Respublikasının Prezidenti cənab İlham Əliyevin rəhbərliyi altında ölkədə sosial sahədə aparılan islahatlar və iqtisadi nailiyyətlər barədə geniş məlumat verib, əhalini narahat edən problemlərin həlli istiqamətində həyata keçirilən tədbirlərdən, bununla bağlı görülən işlərdən danışıb. Səyyar görüşdə iştirak edən sakinlər rayonda, o cümlədən kəndlərdə görülən quruculuq işləri ilə bağlı dövlətimizin başçısına öz razılıqlarını ifadə ediblər. Onlar əhalinin sosial problemlərinin həlli istiqamətində həyata keçirilən tədbirlərə, ölkə vətəndaşlarına göstərilən diqqət və qayğıya görə dövlətimizin başçısına minnətdarlıqlarını bildiriblər.

  • Həşimxanlı kəndində səyyar görüş-qəbul k...

    Həşimxanlı kəndində səyyar görüş-qəbul keçirilmişdir

    2020-01-28

    Sabirabad rayon İcra Hakimiyyəti başçısının qrafikə uyğun olaraq növbəti səyyar görüş-qəbulu Həşimxanlı kəndində keçirilmişdir. Səyyar görüş-qəbulda rayonun idarə, müəssisə və digər xidmət təşkilatlarının rəhbərləri, həmçinin kənd sakinləri iştirak etmişlər. Sabirabad rayon İcra Hakimiyyətinin başçısı Siraqəddin Cabbarov ölkəmizin sosial-iqtisadi inkişafı naminə dövlət səviyyəsində həyata keçirilən tədbirlərin, eləcə də son vaxtlar əhalinin rifah halının yaxşılaşdırılması, sosial problemlərin həlli istiqamətində ölkə rəhbərinin imzaladığı fərman və sərəncamlardan bəhs etmişdir. İcra başçısı həmçinin rayonda aparılan abadlıq və yenidənqurma işlərindən, aqrar sahədə görülən işlər və qarşıda duran vəzifələrdən danışmışdır.

  • Qaçqınların və Məcburi Köçkünlərin İşl...

    Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Sabirabad rayonunda məcburi köçkünləri qəbul etmişdir

    2020-01-24

    Azərbaycan Respublikasının Prezidenti cənab İlham Əliyevin tapşırığına əsasən, mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Sabirabad rayonunda məcburi köçkünləri qəbul edib. Qəbulda Sabirabadda müvəqqəti məskunlaşmış məcburi köçkünlər iştirak edib. Müraciətlər, əsasən, dövlət mənzil fonduna məxsus xüsusi təyinatlı yaşayış sahələrinin verilməsi, vahid aylıq müavinətin təyin edilməsi və məşğulluq məsələləri ilə bağlı olub. Vətəndaşlara məlumat verilib ki, ölkə Prezidenti cənab İlham Əliyev məcburi köçkünlərin sosial müdafiəsinin gücləndirilməsinə daim diqqət göstərir. Məcburi köçkünlər üçün yeni qəsəbələr salınır, onlara mənzillərin verilməsində ədalət və şəffaflıq təmin edilir. Bildirilib ki, sosial müdafiəyə xüsusi ehtiyacı olan vətəndaşların problemlərinə həssaslıqla yanaşan Birinci vitse-prezident xanım Mehriban Əliyevanın hələ də ən ağır vəziyyətdə və qəzalı şəraitdə yaşayan məcburi köçkünlərin yeni mənzillərə köçürülməsi ilə bağlı tapşırığının icrası davam etdirilir.

  • Sabirabadda icbari tibbi sığortanın tətbiqi il...

    Sabirabadda icbari tibbi sığortanın tətbiqi ilə bağlı tədbir keçirilmişdir

    2020-01-23

    Sabirabad şəhəri Heydər Əliyev Mərkəzində «İcbari tibbi sığortanın ölkə üzrə tətbiqi barədə əhalinin maarifləndirilməsi» mövzusunda tədbir keçirilmişdir. Tədbirdə idarə, müəssisə və təşkilat rəhbərləri, ictimaiyyətin nümayəndələri iştirak etmişlər. Tədbiri giriş sözü ilə rayon İcra Hakimiyyəti başçısının birinci müavini Həsən Həsənov açmışdır. İcbari Tibbi Sığorta üzrə Dövlət Agentliyinin məsul əməkdaşı Elnur Abbasov mövzu ilə bağlı geniş məruzə etmişdir. Tədbir iştirakçılarını maraqlandıran suallara cavab verilmişdir.

  • Sabirabad rayon İcra Hakimiyyəti başçısının...

    Sabirabad rayon İcra Hakimiyyəti başçısının Ulacalı kəndində səyyar görüş-qəbulu keçirilmişdir

    2020-01-21

    Sabirabad rayon İcra Hakimiyyətinin başçısı Siraqəddin Cabbarov Ulacalı kəndində vətəndaşlarla növbəti səyyar görüş-qəbulu keçirmişdir. Görüşdə rayonun səhiyyə, təhsil, mədəniyyət və digər xidmət təşkilatlarının rəhbərləri və vətəndaşlar iştirak etmişlər. İcra başçısı ölkə Prezidenti cənab İlham Əliyev tərəfindən respublikamızda aparılan sosial-iqtisadi islahatlardan geniş bəhs etmiş, Sabirabad rayonunda aparılan abadlıq və yenidənqurma işləri haqqında vətəndaşlara məlumat vermişdir. O, qeyd etmişdir ki, respublikada həyata keçirilən uğurlu siyasətin nəticəsidir ki, bu gün hər bir bölgəmizdə, o cümlədən rayonumuzda durmadan tikinti-abadlıq işləri aparılır, yeni yollar çəkilir, sosial layihələr həyata keçirilir.

  • Sabirabad rayonunda 20 Yanvar şəhidlərinin xati...

    Sabirabad rayonunda 20 Yanvar şəhidlərinin xatirəsi anılmışdır

    2020-01-20

    Respublikamızın hər yerində olduğu kimi rayonumuzda da 20 Yanvar faciəsinin 30-cu ildönümü-Ümumxalq Hüzn Günü qeyd edilmişdir. Ümumrayon anım mərasimi iştirakçıları şəhidlərimizin xatirəsini yad edərək onlara öz ehtiramlarını bildirmişlər. Mərasim Kürkəndi kənd qəbiristanlığından başlanmışdır. Yanvarın 19-da gecə qəfil gülləyə tuş gəlmiş Kürkəndi kənd sakini Zəbulla Əliyevin məzarı buradadır. Rayon İcra Hakimiyyətinin başçısı Siraqəddin Cabbarov başda olmaqla hüquq-mühafizə orqanlarının, idarə və müəssisələrin rəhbərləri, ictimaiyyətin nümayəndələri şəhidin məzarını ziyarət etmişlər. Qalağayın kənd qəbiristanlığında uyuyan 20 Yanvar şəhidi Mehman Məmmədovun da qəbri ziyarət olunmuşdur. Mərasim iştirakçıları eyni zamanda Qarabağ müharibəsi zamanı şəhid olmuş Vətən oğullarının xatirəsini yad etmişlər. Şəhərimizin mərkəzində Zakir və Vaqif Fərzullayev qardaşlarının xatirəsinə ucaldılmış abidənin önünə gələrək ehtiramlarını bildirmişlər. Həmin gün mərasim iştirakçıları Şəhidlər Xiyabanına gələrək burada sıralanan məzarları da ziyarət etmişlər.

  • Səfərbərlik və Hərbi Xidmətə Çağırış ...

    Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov Sabirabadda vətəndaşları qəbul etmişdir

    2020-01-16

    Azərbaycan Respublikasının Prezidenti cənab İlham Əliyevin tapşırığına və mərkəzi icra hakimiyyəti orqanlarının, digər qurumların rəhbərlərinin və onların müavinlərinin 2020-ci ilin yanvar ayında şəhər və rayonlarda vətəndaşların qəbulu cədvəlinə uyğun olaraq Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov yanvarın 16-da Sabirabadda Sabirabad və Saatlı rayonlarından olan vətəndaşları qəbul etmişdir. Qəbuldan əvvəl general-leytenant Arzu Rəhimov və Sabirabad rayon İcra Hakimiyyətinin başçısı Siraqəddin Cabbarov ümummilli lider Heydər Əliyevin abidəsini ziyarət edərək önünə gül dəstələri qoymuşlar.

  • Növbəti səyyar görüş-qəbul rayonunun Qarat...

    Növbəti səyyar görüş-qəbul rayonunun Qaratəpə kəndində keçirilmişdir

    2020-01-14

    Görüş - qəbulda rayon İcra Hakimiyyətinin başçısı Siraqəddin Cabbarov Möhtərəm Prezidentimiz cənab İlham Əliyevin rəhbərliyi ilə ölkədə aparılan uğurlu islahatlardan, rayonumuzda görülən abadlıq-quruculuq işlərindən, aqrar sahədə qarşıda duran vəzifələrdən danışmışdır. Sonra qəbulda iştirak edən vətəndaşlar kəndin ümumi problemlərini, həmçinin onları nərahat edən şəxsi məsələləri RİH başçısının nəzərinə çatdırılmışlar. Vətəndaşlar tərəfindən qaldırılan məsələlərin bir çoxu yerindəcə həll olunmuş və digər həlli vaxt tələb edən məsələlər isə nəzarətə götürülmüşdür.

  • Axısxa kəndində növbəti səyyar görüş-qəb...

    Axısxa kəndində növbəti səyyar görüş-qəbul keçirilmişdir

    2020-01-09

    Sabirabad rayon İcra Hakimiyyətinin başçısı Siraqəddin Cabbarovun qrafikə uyğun olaraq növbəti səyyar görüş - qəbulu rayonun Axısxa kəndində keçirilmişdir. Görüşdə rayonun səhiyyə, təhsil, mədəniyyət və digər xidmət təşkilatlarının rəhbərləri və kənd sakinləri iştirak etmişlər. Görüşdə kənd sakinləri torpaq məsələləri, əkinlərin suvarılmasına, dren-kollektorların lildən təmizlənməsinə köməklik göstərilməsi barədə müraciət etmişlər.

  • Sabirabadda hərbi xidmətə yolasalma mərasimi k...

    Sabirabadda hərbi xidmətə yolasalma mərasimi keçirilmişdir

    2020-01-07

    Ölkə Prezidenti cənab İlham Əliyevin «Azərbaycan Respublikası vətəndaşlarının 2020-ci il yanvarın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında» 26 noyabr 2019-cu il tarixli Sərəncamına əsasən respublikamızda gənclərin həqiqi hərbi xidmətə qış çağırışı başlanmışdır. Bu kampaniya rayonumuzda da mütəşəkkilliklə keçir. Yanvarın 7-də Dövlət Bayrağı Meydanında gənclərin həqiqi hərbi xidmətə yola salınması münasibətilə təntənəli mərasim keçirilmişdir. Mərasimdə rayon İcra Hakimiyyətinin başçısı Siraqəddin Cabbarov, hüquq-mühafizə orqanlarının rəhbərləri, idarə - müəssisələrin və ictimaiyyətin nümayəndələri, çağırışçı gənclər, onların valideynləri iştirak etmişlər.

  • Sabirabadda qanvermə aksiyası keçirilmişdir

    Sabirabadda qanvermə aksiyası keçirilmişdir

    2019-12-29

    Sabirabad rayonunda qanvermə aksiyası keçirilmişdir. B.Eyvazov adına Elmi-Tədqiqat Hemotologiya və Transfiziologiya İnstitutu nəzdində Mərkəzi Qan Bankının əməkdaşlarının iştirakı ilə talassemiya xəstəliyindən əziyyət çəkən uşaqların müalicəsi məqsədilə keçirilmiş qanvermə aksiyasında rayon sakinləri fəal iştirak etmiş, 263 nəfər qan vermişdir.

  • Suqovuşan kəndində növbəti səyyar görüş-q...

    Suqovuşan kəndində növbəti səyyar görüş-qəbul keçirilmişdir

    2019-12-24

    Sabirabad rayon İcra Hakimiyyətinin başçısı Siraqəddin Cabbarov növbəti səyyar görüş - qəbulu rayonun Suqovuşan kəndində keçirilmişdir. Görüşdə rayonun səhiyyə, təhsil, mədəniyyət və digər xidmət təşkilatlarının rəhbərləri və kənd sakinləri iştirak etmişlər. Sabirabad rayon İcra Hakimiyyətinin başçısı Prezident İlham Əliyev tərəfindən respublikamızda aparılan sosial-iqtisadi islahatlardan danışmış, regionların sosial-iqtisadi inkişafına böyük diqqət yetirən dövlət başçısının hərtərəfli qayğısı sayəsində Sabirabad rayonunda aparılan abadlıq və yenidənqurma işləri haqqında vətəndaşlara məlumat vermişdir.

əvvəlki [3] növbəti