Home Contact Phone
background

Xəbərlər

  • Sabirabad rayon İcra Hakimiyyətinin başçısı ...

    Sabirabad rayon İcra Hakimiyyətinin başçısı Güdəcühür və Şəhriyar köçkün qəsəblərinin sakinlərilə səyyar görüş - qəbul keçirmişdir

    2019-12-03

    Sabirabad rayon İcra Hakimiyyətinin başçısı Siraqəddin Cabbarov növbəti səyyar görüş-qəbulu Güdəcühür və Şəhriyar köçkün qəsəblərinin sakinlərilə keçirmişdir. Qəbulda Rayon İcra Hakimiyyətinin məsul işçiləri, xidmət təşkilatlarının rəhbərləri və yerli sakinlər iştirak etmişlər. Rayon İcra Hakimiyyətinin başçısı tədbiri açaraq Azərbaycan Respublikasının Prezidenti Cənab İlham Əliyevin həyata keçirdiyi kadr və struktur islahatlarından, ölkəmizdə olan ictimai-siyasi sabitlikdən ətraflı bəhs etmiş. İcra başçısı dövlət səviyyəsində məcbur köçkünlərə göstərilən diqqət və qayğıdan, həmçinin rayonda aparılan abadlıq-quruculuq işlərindən danışmışdır

  • Azərbaycan Respublikasının Əmlak Məsələlər...

    Azərbaycan Respublikasının Əmlak Məsələləri Dövlət Komitəsi sədrinin müavini Rafiq Cəlilov Sabirabad rayon sakinlərini qəbul etmişdir

    2019-11-30

    Azərbaycan Respublikasının Prezidenti İlham Əliyevin tapşırığına əsasən vətəndaşların təklif, irad və müraciətləri ilə yerindəcə tanış olmaq üçün mərkəzi icra hakimiyyəti orqanları rəhbərlərinin və onların müavinlərinin bölgələrdə vətəndaşların qəbulu cədvəlinə uyğun olaraq Əmlak Məsələləri Dövlət Komitəsi sədrinin müavini Rafiq Cəlilov Sabirabad şəhəri Heydər Əliyev Mərkəzində Sabirabad rayon sakinlərini qəbul etmişdir

  • Sabirabad rayonunda “Yerli özünüidarəetməd...

    Sabirabad rayonunda “Yerli özünüidarəetmədə gender bərabərliyinin təmin edilməsi” mövzusunda təlim keçirilib

    2019-11-29

    29 noyabr 2019-cu il tarixində Sabirabad rayon İcra Hakimiyyətinin dəstəyi və Ailə, Qadın və Uşaq Problemləri üzrə Dövlət Komitəsinin təşkilatçılığı ilə “Yerli özünüidarəetmədə gender bərabərliyinin təmin edilməsi” mövzusunda təlim keçirilib. Təlimdə rayon İcra Hakimiyyəti başçısı aparatının əməkdaşları, bələdiyyə nümayəndələri iştirak edib. Təlimdə Ailə, Qadın və Uşaq Problemləri üzrə Dövlət Komitəsi Almaniya Beynəlxalq Əməkdaşlıq Təşkilatı ilə birgə 2012-ci ildən başlayaraq, qadınların ictimai həyatda iştirakını gücləndirmək və Azərbaycanda yerli səviyyədə daha çox gender yönümlü idarəetməni təmin etmək məqsədilə “Dayaq” Mentorluq proqramının həyata keçirildiyi bildirilib.

  • Azərbaycan Respublikasının Dövlət Gömrük Ko...

    Azərbaycan Respublikasının Dövlət Gömrük Komitəsi sədrinin müavini Əsgər Abdullayev Sabirabad və Hacıqabul rayon sakinlərini qəbul etmişdir

    2019-11-29

    Azərbaycan Prezidenti İlham Əliyevin tapşırığına uyğun olaraq mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciətlərinin, ərizə və şikayətlərinin müsbət həlli üçün müvafiq tədbir görürlər. Noyabrın 29-da Sabirabad şəhəri Heydər Əliyev Mərkəzində Dövlət Gömrük Komitəsi sədrinin müavini, gömrük xidməti general-leytenantı Əsgər Abdullayev Sabirabad və Hacıqabul rayonlarından olan vətəndaşları qəbul edib. Qəbulda vətəndaşların müraciətləri dinlənilib. Müraciətlər əsasən idxal-ixrac əməliyyatları zamanı rəsmiləşdirmə və digər gömrük məsələləri ilə bağlı olub

  • Sabirabad rayonunda “Yaşıl Patrul” Ekoloji ...

    Sabirabad rayonunda “Yaşıl Patrul” Ekoloji İctimai Nəzarət və Qərargahlarının yaradılması Ümumrespublika Marafon layihəsi çərçivəsində maarifləndirici tədbir keçirilib

    2019-11-27

    Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının və “Alyans” Canlı Aləmin Mühafizəsi İctimai Birliyinin birgə təşkilatçılığı ilə maarifləndirici tədbir keçirilib. Tədbir Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının elan etdiyi qrant müsabiqəsində qalib Marafon layihəsi olan ““Yaşıl Patrul” Ekoloji İctimai Nəzarətin yaradılması və qərargahlarının təşkili” üçün geniş maarifləndirici işlərin qısa zaman ərzində və effektiv aparılmasından ötrü ümumrespublika üzrə yerli icra qurumlarının dəstəyi ilə maarifləndirici tədbirlərin təşkili məqsədilə həyata keçirilib. Sabirabad rayon Mədəniyyət Mərkəzinin böyük zalında keçirilən tədbiri Rayon İcra Hakimiyyəti başçısının birinci müavini Həsən Həsənov giriş sözü ilə açaraq qonaqları salamlayıb, keçirilən tədbirin məqsəd və əhəmiyyətindən danışıb. Dövlət tərəfindən canlı aləmin qorunması sahəsində həyata keçirilən genişmiqyaslı işlərdən, tədbirlərdən, layihələrdən söz açıb. Bu cür maarifləndirici tədbirlərin olduqca böyük əhəmiyyət kəsb etdiyini vurğulayıb.

  • Sabirabad rayon İcra Hakimiyyətinin başçısı ...

    Sabirabad rayon İcra Hakimiyyətinin başçısı Həsənli kəndində növbəti səyyar görüş-qəbul keçirmişdir

    2019-11-26

    Sabirabad rayon İcra Hakimiyyətinin başçısı Siraqəddin Cabbarov növbəti səyyar görüş-qəbulu rayonun Cavad kənd inzibati ərazi dairəsinə daxil olan Həsənli kəndində keçirilmişdir. Səyyar görüş-qəbulu giriş sözü ilə rayon İcra Hakimiyyətinin başçısı Siraqəddin Cabbarov açaraq Ulu öndər Heydər Əliyevin qurucusu və memarı olduğu müstəqil Azərbaycan Respublikasının keçdiyi şərəfli yoldan, bu günkü inkişafından danışmış, əldə olunan nailiyyətlərdən və uğurlardan bəhs etmişdir. Ölkəmizdə həyata keçirilən bütün tədbirlərin mərkəzində Azərbaycan vətəndaşının dayandığını və xalqımızın rifahının yüksəldilməsi istiqamətində görülən bütün işlərin və əldə olunan uğurların cənab Prezident İlham Əliyevin düşünülmüş siyasətinin məntiqi nəticəsi olduğunu xüsusi vurğulamış, rayonda həyata keçirilən abadlıq-quruculuq işlərindən danışmış, aqrar sahənin inkişafı istiqamətində görülən işlərdən və qarşıda duran vəzifələrdən bəhs etmişdir

  • Sabirabad rayon İcra Hakimiyyətinin başçısı ...

    Sabirabad rayon İcra Hakimiyyətinin başçısı növbəti səyyar görüş - qəbul keçirmişdir

    2019-11-19

    Sabirabad rayon İcra Hakimiyyəti başçısının qrafikə uyğun olaraq növbəti səyyar görüş - qəbulu rayonun Surra kəndində keçirilmişdir. Görüşdə xidmət təşkilatlarının rəhbərləri və kənd sakinləri iştirak etmişlər. Rayon İcra Hakimiyyətinin başçısı Siraqəddin Cabbarov Prezident İlham Əliyev tərəfindən respublikamızda aparılan sosial-iqtisadi islahatlardan danışmış, rayonda aparılan abadlıq və yenidənqurma işləri haqqında vətəndaşlara məlumat vermişdir. Görüşdə kənd sakinləri elektrik təsərrüfatının yenidən qurulması, yollara cınqıl döşənməsi və digər sosial məsələlər barədə müraciət etmişlər. Sakinlər tərəfindən qaldırılan məsələlərin bir qismi yerindəcə həll olunmuş, digər məsələlərin icrası isə qeydiyyata götürülərək aidiyyatı qurum və təşkilat rəhbərlərinə tapşırılmışdır.

  • “Ölkəmizi tanıyaq” tur-aksiyanın növbəti...

    “Ölkəmizi tanıyaq” tur-aksiyanın növbəti mərhələsində Sabirabad məktəbliləri Lənkəran-Masallı-Astara bölgələrinə yola salındı

    2019-11-18

    Azərbaycan Respublikasının Prezidenti cənab İlham Əliyevin tapşırığına əsasən ümumtəhsil məktəblərinin yuxarı sinif şagirdləri üçün “Ölkəmizi tanıyaq” devizi altında keçirilən tur-aksiyaların növbəti mərhələsinə start verilib. Layihə üzrə tərtib olunan səfər proqramına əsasən noyabrın 18-də Sabirabadın 85 məktəbindən 40 nəfərlik qrup Lənkəran-Masallı-Astara istiqamətində yola salınıb. Qrupa daxil olan şagirdlər nümunəvi davranışa malik, dərs əlaçıları, Respublika Olimpiya qalibləri, idmanda nailiyyətləri və qeyri-adi bacarığı olmaqla seçilmişlər. Onlara Sabirabadın loqosunu əks etdirən üst geyimləri və bayraqlar verilmişdir. Rayon rəhbərliyinin, təhsil işçilərinin, valideynlərin iştirak etdikləri yolasalma mərasimindən əvvəl tur-aksiya iştirakçıları şəhərin mərkəzindəki Ümummilli lider Heydər Əliyevin adını daşıyan parkda olmuş, Heydər Əliyev Mərkəzini ziyarət etmişlər. Daha sonra Gənclər Mərkəzinin həyətində ağac əkmiş və Mərkəzin qarşısından yola salınmışlar.

  • Sabirabad rayon İcra Hakimiyyətinin başçısı ...

    Sabirabad rayon İcra Hakimiyyətinin başçısı Sabirabad şəhər sakinləri ilə növbəti səyyar görüş-qəbul keçirmişdir

    2019-11-12

    Sabirabad rayon İcra Hakimiyyətinin başçısı Siraqəddin Cabbarov Gənclər Mərkəzində Sabirabad şəhər sakinləri ilə növbəti səyyar görüş-qəbul keçirmişdir. Səyyar qəbulda rayon İcra Hakimiyyəti başçısı aparatının, məsul işçiləri, rayonun xidmət sahələrinin rəhbərləri və sakinlər iştirak etmişlər. Qəbulda İcra Hakimiyyətinin başçısı S.Cabbarov rayonda aparılan abadlıq və yenidənqurma işlərindən, əhalini narahat edən problemlərin həlli istiqamətində həyata keçirilən tədbirlərdən danışaraq, görülən işlərin bundan sonra da davam etdiriləcəyini bildirmişdir. Qəbulda sakinlər kanalizasiya sisteminin yenidən qurulması, M.Məmmədov və R.Behbudov küçələrinə asfalt örtük vurulması və digər sosial problemlərlə bağlı rayon İcra Hakimiyyətinin başçısına müraciət etmişlər. Rayon rəhbəri tərəfindən vətəndaşların təklif, müraciət və şikayətləri dinlənilib, onları narahat edən bu və ya digər məsələlərlə bağlı verdikləri suallar ətraflı cavablandırılıb.

  • Dövlət İmtahan Mərkəzinin Direktorlar Şuras...

    Dövlət İmtahan Mərkəzinin Direktorlar Şurasının sədri Məleykə Abbaszadə Sabirabadda Şirvan, Hacıqabul, Salyan, Saatlı, və Neftçala rayonlarının sakinləri və bu rayonlarda məskunlaşmış qaçqın və məcburi köçkünləri qəbul etmişdir

    2019-11-08

    DİM Direktorlar Şurasının sədri Məleykə Abbaszadə noyabrın 8-də Sabirabad rayonunda vətəndaşları qəbul edib. Qəbulda Sabirabad ilə yanaşı Şirvan, Hacıqabul, Salyan, Saatlı, və Neftçala rayonlarının sakinləri və bu rayonlarda məskunlaşmış qaçqın və məcburi köçkünlər iştirak ediblər. DİM Direktorlar Şurasının sədri görüşdən əvvəl ümummilli lider Heydər Əliyevin rayon mərkəzində ucaldılmış abidəsini ziyarət edib, abidə önünə gül dəstələri düzüb. Görüşdə əsasən ümumi təhsil pilləsində təhsilalanların yekun qiymətləndirilməsi imtahanlarının və ali təhsil müəssisələrinin bakalavriat səviyyəsinə qəbul imtahanlarının qaydaları, dövlət qulluğuna qəbul, vakant dövlət qulluğu vəzifələri, namizədlərlə müsahibələrin keçirilməsi və digər məsələlərlə əlaqədar DİM Direktorlar Şurasının sədrinə müraciətlər edilib.

  • Sabirabad və İmişli rayonlarının müvafiq fə...

    Sabirabad və İmişli rayonlarının müvafiq fənn müəllimləri, metodistlər, məktəb direktorları, təhsil şöbələrinin nümayəndələri üçün seminar keçirilmişdir

    2019-11-08

    Sabirabad Heydər Əliyev Mərkəzində keçirilən plenar iclasda Dövlət İmtahan Mərkəzinin Direktorlar Şurasının sədri Məleykə Abbaszadə ümumi təhsil pilləsində təhsilalanların yekun qiymətləndirilməsi (buraxılış) imtahanının nəticələrinin regional təhlili, DİM-in yeni layihə və nəşr işləri haqqında təqdimatla çıxış edib. Azərbaycan dili fənni üzrə seminarda DİM-in şöbə müdiri Afiqə Batıyeva qəbul imtahanlarının birinci və ikinci mərhələsininin - buraxılış və ali təhsil müəssisələrinə qəbul imtahanlarının modeli ilə bağlı, Türkiyə Dəyanət Vəqfi Bakı Türk liseyinin müəllimi Saməddin İbrahimov isə buraxılış və qəbul imtahanları proqramı, test tapşırığı nümunələri və qiymətləndirmə meyarları haqqında təqdimatla çıxış edib.

  • Sabirabad rayonunda Dövlət Bayrağı Günü mün...

    Sabirabad rayonunda Dövlət Bayrağı Günü münasibətilə “Bayraq yürüşü” keçirilmişdir

    2019-11-07

    “9 noyabr - Azərbaycan Respublikasının Dövlət Bayrağı Günü” ilə əlaqədar Sabirabad rayon İcra Hakimiyyəti və Sabirabad rayon Gənclər və İdman idarəsinin təşkilatçılığı ilə bayraq yürüşü keçirilmişdir. Yürüşün keçirilməsində əsas məqsəd milli atributlarımızın, xüsusilə bayrağımızın təbliği, gənclərə vətənpərvərlik hisslərinin və milli-mənəvi dəyərlərin aşılanmasıdır. 2000-dək yeniyetmə və gəncin qatıldığı yürüş Ümummilli Lider Heydər Əliyevin abidəsindən başlayıb və Bayraq Meydanı Kompleksinədək davam etmişdir. Tədbir Bayraq Meydanında gənclərin flaşmobu və maraqlı konsert proqramı ilə yekunlaşıb.

  • Sabirabad rayonunun Qasımbəyli kəndində növb...

    Sabirabad rayonunun Qasımbəyli kəndində növbəti səyyar görüş-qəbul keçirilib

    2019-11-05

    Görüşdə aidiyyatı idarə, müəssisə və təşkilat rəhbərləri və kənd sakinləri iştirak edib. Sabirabad rayon İcra Hakimiyyətinin başçısı Siraqəddin Cabbarov sakinləri salamlayıb və dövlət başçısının yürütdüyü məqsədyönlü siyasət, əhalinin maddi rifah halının, sosial vəziyyətinin yaxşılaşdırılması istiqamətində verdiyi tapşırıq və tövsiyələr, Birinci vitse-prezident Mehriban xanım Əliyevanın vətəndaşlara göstərdiyi diqqət və qayğı bir daha vurğulanıb və minnətdarlıq hissi ilə qarşılandığı diqqətə çatdırıb. İcra Başçısı bu görüşlərin vətəndaşları narahat edən məsələlərin həllinə yönəldiyini, həmin məsələləri öyrənərək operativ şəkildə yerindəcə həll etmək, ehtiyac olduğu halda isə aidiyyatı təşkilatlar qarşısında məsələ qaldırmaqdan ibarət olduğunu bildirib. Görüşdə sakinlər kənddə əkin sahələrinin suvarılması, su arxlarının lildən təmizlənməsi, zinə sularının axıdılması ilə bağlı və müxtəlif səpkili müraciətlər ediblər.

  • Təhsil naziri Ceyhun Bayramov Sabirabadda vətən...

    Təhsil naziri Ceyhun Bayramov Sabirabadda vətəndaşları qəbul edib

    2019-11-04

    Təhsil naziri Ceyhun Bayramov Sabirabad şəhərindəki Heydər Əliyev Mərkəzində Sabirabad və Saatlı rayon sakinlərini qəbul edib. Qəbuldan əvvəl Təhsil naziri Ceyhun Bayramov ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad edib. Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq keçirilən qəbulda qeyd olunan rayonlarda müvəqqəti məskunlaşmış məcburi köçkünlər də iştirak ediblər. Nazir vətəndaşların müraciət, şikayət və təkliflərini diqqətlə dinləyərək onların aradan qaldırılması, hər bir müraciətin operativ şəkildə araşdırılması, qaldırılan məsələlərin qanunvericiliyə uyğun həlli istiqamətində nazirliyin müvafiq aidiyyəti qurumlarının rəhbərlərinə konkret tapşırıqlar verib.

  • Azərbaycan Respublikası Vəkillər Kollegiyasın...

    Azərbaycan Respublikası Vəkillər Kollegiyasının təşəbbüsü ilə Sabirabad və ətraf rayonların əhalisinə ödənişsiz hüquqi yardım göstərilmişdir

    2019-10-19

    Azərbaycan Respublikası Prezidentinin 22 fevral 2018-ci il tarixli “Azərbaycan Respublikasında vəkilliyin inkişafı ilə bağlı əlavə tədbirlər haqqında” Sərəncamı ilə Azərbaycan Respublikasının Vəkillər Kollegiyasına hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlər göstərilməsinin təşkil edilməsi tövsiyə olunmuşdur. Sərəncamın icrası ilə bağlı həyata keçirilən tədbirlərin davamı olaraq 19 oktyabr tarixində Azərbaycan Respublikası Vəkillər Kollegiyasının təşəbbüsü ilə Sabirabad və ətraf rayonların əhalisinə ödənişsiz hüquqi yardım göstərilmişdir.

  • Sabirabadda “Azərbaycan Naminə” adı altınd...

    Sabirabadda “Azərbaycan Naminə” adı altında flaşmob keçirilmişdir.

    2019-10-16

    Sabirabad şəhərinin Mərkəzi Meydanında, Ümummilli Lider Heydər Əliyevin abidəsi qarşısında "Azərbaycan Naminə" adlı flaşmob keçirilmişdir. 18 oktyabr-Dövlət Müstəqilliyi gününə həsr olunmuş tədbirdə 200-dən yuxarı gənc iştirak etmişdir. Müxtəlif vətənpərvər mövzulara həsr olunmuş çıxışlarda rayon gəncləri ölkəmizə, vətənimizə olan məhəbbətlərini nümayiş etdirmişlər. Uzunluğu 40 metr olan Azərbaycanın Dövlət Bayrağı musiqi sədaları altında meydana gətirilmişdir. Dövlət Bayrağının fonunda gənclər “Azərbaycan Naminə” sözlərini yazmışlar. Sonda Azərbaycan Respublikasının Dövlət Himni səsləndirilmişdir.

  • Bulaqlı kəndində növbəti səyyar görüş-qə...

    Bulaqlı kəndində növbəti səyyar görüş-qəbul keçirilmişdir

    2019-10-15

    Sabirabad rayon İcra Hakimiyyəti başçısı qrafikə uyğun olaraq növbəti səyyar görüş - qəbulu rayonun Bulaqlı kəndində keçirilmişdir. Görüşdə Azərbaycan Respublikası Prezidenti Administrasiyasının Ərazi-təşkilat məsələləri şöbəsinin sektor müdiri Əlibaba Əliyev, rayonun hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri və kənd sakinləri iştirak etmişlər. Sabirabad rayon İcra Hakimiyyətinin başçısı Siraqəddin Cabbarov Prezident İlham Əliyev tərəfindən respublikamızda aparılan sosial-iqtisadi islahatlardan danışmış, dövlət başçısının hərtərəfli qayğısı sayəsində Sabirabad rayonunda aparılan abadlıq və yenidənqurma işləri haqqında vətəndaşlara məlumat vermişdir. İcra başçısı aqrar sahədə görülən işlər və qarşıda duran vəzifələrdən də bəhs etmişdir.

  • Sabirabad rayon İcra Hakimiyyətinin başçısı ...

    Sabirabad rayon İcra Hakimiyyətinin başçısı Məmişlər kəndində növbəti səyyar görüş-qəbul keçirmişdir

    2019-10-15

    Sabirabad rayon İcra Hakimiyyəti başçısı qrafikə uyğun olaraq növbəti səyyar görüş-qəbulu Qaralar kənd inzibati ərazi dairəsinin Məmişlər kəndində keçirilmişdir. Səyyar görüş-qəbulda Azərbaycan Respublikası Prezidenti Administrasiyasının Ərazi-təşkilat məsələləri şöbəsinin sektor müdiri Əlbaba Əliyev, rayonun idarə, müəssisə və xidmət təşkilatlarının rəhbərləri, həmçinin 90 nəfər kənd sakini iştirak etmişdir. Sabirabad rayon İcra Hakimiyyətinin başçısı Siraqəddin Cabbarov ölkəmizin sosial-iqtisadi inkişafı naminə dövlət səviyyəsində həyata keçirilən tədbirlərdən bəhs edib, regionlara göstərilən diqqəti nəzərə çatdırıb, cənab Prezidentin tapşırığına əsasən Sabirabad rayonunda görülən işlər barədə ətraflı məlumat verib. İcra başçısı kənd təsərrüfatının bütün sahələrinin, o cümlədən pambıqçılığın inkişafı istiqamətdə görülən işlərdən və qarşıda duran vəzifələrdən də ətraflı məlumat verib.

  • Azərbaycan Respublikasının Gənclər və idman ...

    Azərbaycan Respublikasının Gənclər və idman nazirinin müavini İntiqam Babayev Sabirabad və Saatlı rayonlarının sakinlərini qəbul etmişdir

    2019-10-11

    Gənclər və idman nazirinin müavini İntiqam Babayev Sabirabad şəhəri Heydər Əliyev Mərkəzində Sabirabad və Saatlı rayonlarından olan vətəndaşları qəbul edib. Qəbulda 12 nəfər vətəndaş iştirak edib. Müraciətlər gənclər mərkəzlərinin yaradılması, gənclər sahəsində beynəlxalq layihələrin həyata keçirilməsi, gənclərin müxtəlif ölkələrdə keçirilən tədbirlərə ezam olunması və digər məsələlər olub. Müraciətlərin bir qismi yerindəcə həll edilmiş, nazirliyin səlahiyyətlərinə aid olmayan müraciətlər qeydə alınaraq aidiyyatı üzrə göndəriləcəyi bildirilmiş, bir qismi isə baxılması üçün icraya yönəldilmişdir.

  • Xankeçən kəndində səyyar görüş- qəbul ke...

    Xankeçən kəndində səyyar görüş- qəbul keçirilmişdir

    2019-10-08

    Sabirabad rayon İcra Hakimiyyətinin başçısı Siraqəddin Cabbarovun növbəti səyyar görüş-qəbulu Azadkənd kənd inzibati ərazi dairəsinin Xankeçən kəndində keçirilmişdir. Görüşdə rayon İcra Hakimiyyətinin məsul işçiləri, aidiyyatı idarə, müəssisə və təşkilat rəhbərləri iştirak etmişlər. Sabirabad rayon İcra Hakimiyyətinin başçısı Siraqəddin Cabbarov çıxış edərək kənd sakinlərini salamlamış və keçirilən görüşün məqsəd və əhəmiyyətindən danışmışdır. İcra başçısı son illər respublikamızda, eləcə də bölgələrimizdə olan inkişafdan, qazanılan uğur və nailiyyətlərdən söz açmış, əhalinin maddi və sosial rifah halının yaxşılaşdırılması istiqamətində həyata keçirilən məqsədyönlü layihələrdən, xüsusilə də bu sahə ilə bağlı imzalanmış sərəncamlardan, qarşıda duran vəzifələrdən danışmışdır. Qeyd edilmişdir ki, imzalanmış həmin sərəncamlar bir daha onu göstərdi ki, bu gün ölkə başçısı tərəfindən yürüdülən məqsədyönlü dövlət siyasətinin təməlində vətəndaş amili və xalqın rifah halı dayanır.

  • Sabirabadda “Bir oyuncaq sən də ver” layihə...

    Sabirabadda “Bir oyuncaq sən də ver” layihəsi çərçivəsində tədbir keçirilmişdir

    2019-10-05

    Sabirabad rayonu Qaratəpə kənd tam orta məktəbində “Əminə” Xeyriyyə Fondunun təşkilatçılığı ilə “Bir oyuncaq sən də ver” layihəsi çərçivəsində tədbir keçirilmişdir. “Əminə” Xeyriyyə Fondunun nümayəndələri Qaratəpə kəndində yaşayan məktəbəqədər hazırlıq və aşağı sinif şagirdləri üçün şənlik təşkil etməklə onlara müxtəlif oyuncaqlar hədiyyə etmişlər.

  • “Azəriqaz” İstehsalat Birliyinin baş direkt...

    “Azəriqaz” İstehsalat Birliyinin baş direktorunun əsaslı tikinti üzrə müavini Ramil İsgəndərov Sabirabad və Saatlı rayonlarının sakinlərini qəbul etmişdir

    2019-10-04

    Azərbaycan Respublikasının Prezidenti cənab İlham Əliyevin tapşırığına əsasən, mərkəzi icra hakimiyyəti orqanlarının, digər qurumların rəhbərlərinin və onların müavinlərinin rayonlarda vətəndaşların qəbulu cədvəlinə uyğun olaraq “Azəriqaz” İstehsalat Birliyinin baş direktorunun əsaslı tikinti üzrə müavini Ramil İsgəndərov Salyan Regional Qaz İstismarı İdarəsinin Sabirabad Xidmət sahəsinin inzibati binasında Sabirabad və Saatlı rayon sakinlərinin problemlərini dinləyib. Qəbula gələn sakinlərin əksəriyyəti yaşayış məntəqələrinin qazlaşdırılması, qaz xətlərinin yerinin dəyişdirilməsi, işə qəbul və müxtəlif məsələlərlə bağlı fikirlər səsləndiriblər. Hər bir vətəndaşın müraciəti diqqətlə dinlənilib. Qaldırılan məsələlərin qanunvericiliyə uyğun həlli barədə müvafiq strukturların rəhbərlərinə tapşırıqlar verilib.

  • Muğan Gəncəli kəndində səyyar görüş-qəbu...

    Muğan Gəncəli kəndində səyyar görüş-qəbul keçirilmişdir

    2019-10-01

    Sabirabad rayonu İcra Hakimiyyətinin başçısı Siraqqədin Cabbarovun növbəti səyyar görüş-qəbulu Muğan Gəncəli kənd inzibati ərazi dairəsinin Muğan Gəncəli kəndində keçirilmişdir. Görüşdə çıxış edən icra başçısı yerlərdə keçirilən bu cür səyyar qəbulların əhalinin problemlərinin yerindəcə öyrənilməsi və operativ həllinə geniş imkan yaratdığını bildirib. Rayon rəhbəri qeyd edib ki, ilin əvvəlindən həyata keçirilən islahatların davamı olaraq Prezident İlham Əliyevin ikinci sosial paketini əhatə edən 18 iyun 2019-cu il tarixli sərəncamları, minimum pensiyanın artırılması üçün yeni qanunvericilik təşəbbüsü əhalinin rifah halının yaxşılaşdırılması istiqamətində inqilabi addımların ardıcıl xarakter aldığını göstərib. Bu sərəncamlarla ölkədə minimum əmək haqqının, həmçinin müxtəlif sahələrdə çalışanların maaşlarının artırılması təmin olunub. Diqqətə çatdırılıb ki, ölkə başçısının imzaladığı fərman və sərəncamlar sosial sifariş olaraq birbaşa əhalinin problemlərinin həllinə, rifahının yüksəlməsinə, güzəranının yaxşılaşmasına və layiqli həyat səviyyəsinin təmin olunmasına xidmət edir. İcra başçısı aqrar sahənin inkişafı istiqamətində görülən işlər və qarşıda duran vəzifələrdən də danışib.

  • Azərbaycan Respublikası Dini Qurumlarla İş üz...

    Azərbaycan Respublikası Dini Qurumlarla İş üzrə Dövlət Komitəsinin sədr müavini Gündüz İsmayılov Sabirabad rayon sakinlərini qəbul etmişdir

    2019-09-24

    Azərbaycan Respublikasının Prezidenti cənab İlham Əliyevin tapşırıq və tövsiyələrinə əsasən mərkəzi icra hakimiyyəti orqanlarının rəhbərləri və müavinləri bölgələrdə vətəndaşları qəbul edir, onların müraciət və təkliflərinin, ərizə və şikayətlərinin həlli üçün operativ tədbirlər görürlər. Vətəndaşların qəbulu сədvəlinə uyğun olaraq 24 sentyabr 2019-cu il tarixdə Sabirabad şəhəri Heydər Əliyev Mərkəzində Dini Qurumlarla İş üzrə Dövlət Komitəsinin sədr müavini Gündüz İsmayılov Sabirabad şəhərində vətəndaşları qəbul edib. Sabirabad sakinlərinin iştirak etdiyi qəbulda əsasən dini icmaların fəaliyyəti, onların dövlət qeydiyyatına alınması, dini maarifləndirmə ilə əlaqədar icmalara vəsaitlərin ayrılması, dini icmaların zəruri dini ədəbiyyatlarla təmin edilməsi və digər məsələlərlə bağlı müraciətlərə baxılıb. Qəbul zamanı hər bir vətəndaşın müraciətinin diqqətlə araşdırılması və qaldırılan məsələlərin qanunvericiliyin tələblərinə uyğun həlli barədə müvafiq tapşırıqlar verilib, müraciətlərin bir qismi isə yerindəcə həll olunub.

  • Sabirabadda ağacəkmə kompaniyası keçirilmişd...

    Sabirabadda ağacəkmə kompaniyası keçirilmişdir

    2019-09-20

    Azərbaycan Respublikasının Prezidenti cənab İlham Əliyevin Sərəncam ilə Azərbaycan şairi və mütəfəkkiri İmadəddin Nəsiminin 650 illik yubileyi ilə əlaqədar 2019-cu ilin “Nəsimi ili” elan olunması ilə bağlı keçirilən silsilə tədbirlər çərçivəsində Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın 2019-cu ilin payız əkini mövsümündə bölgələrdə bir gündə 650 min ağac əkilməsi təşəbbüsünə sabirabadlılar da həvəslə qoşulmuşlar. Son iki gündə Hacıqabul-Bəhrəmtəpə-Horadiz avtomobil yolunun Sabirabad rayonu ərazisindən keçən hissəsinə 10 minə yaxın həmişəyaşıl ağac və gül kolları əkilmişdir.