Home Contact Phone
background

Xəbərlər

  • Sabirabad rayonunda 2018-ci ilin birinci rübünü...

    Sabirabad rayonunda 2018-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş hesabat iclası kecirilmişdir

    2018-04-17

    Aprelin 17-də rayon Mədəniyyət Mərkəzində 2018-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş hesabat iclası kecirilmişdir. İclasa RİHB aparatının məsul işçiləri, hüquq mühafizə orqanlarının, idarə, müəssisə, təşkilatların rəhbərləri, kənd inzibati ərazi dairələri üzrə nümayəndələri, bələdiyyə sədrləri, ictimai təşkilatların və mətbuatın nümayəndələri dəvət olunmuşdular. İclasda rayon İcra Hakimiyyətinin başçısı Nazim İsmayılov məruzə ilə çıxış etmişdir. Çıxışı zamanı o qeyd etmişdir ki, aprel ayının 11-də Azərbaycan Respublikasında keçirilmiş Prezident seçkilərində Azərbaycan xalqı yekdilliklə öz iradəsini nümayiş etdirdi. Xalq yenə də müdrikliklə, uzaqgörənliklə seçim etdi. Cənab İlham Əliyevi yenidən özünə rəhbər, lider - Prezident seçdi. İlham Əliyev seçicilərin 86,03 faizinin səsini qazandı. Sabirabadlılar da öz iradələrini ifadə etmək üçün Prezident seçkilərində fəallıq nümayiş etdirdilər. Mən bütün sabirabadlıları bu münasibətlə təbrik edirəm.

  • Sabirabad rayonunda Aprel döyüşlərinin ildön...

    Sabirabad rayonunda Aprel döyüşlərinin ildönümü qeyd edilib

    2018-04-03

    2016-cı ilin aprel döyüşlərinin növbəti ildönümü münasibəti ilə Sabirabad rayon Mədəniyyət Mərkəzində “Qələbəyə gedən yol” adlı hərbi vətənpərvərlik tədbiri keçirilib. Tədbirdə Qarabağ müharibəsi veteranları, əlilləri və şəhid ailələri İctimai Birliyinin Sabirabad rayon şöbəsinin üzvləri, rayon veteranlar cəmiyyətinin üzvləri və gənclər iştirak ediblər.

  • Azərbaycanlıların soyqırımının 100-cü ild...

    Azərbaycanlıların soyqırımının 100-cü ildönümü ilə bağlı anım mərasimi keçirilmişdir

    2018-03-31

    Martın 31-də Sabirabad şəhərində yerləşən Azərbaycanlıların soyqırımı qurbanlarının xatirəsinə ucaldılmış abidənin qarşısında «31 Mart-Azərbaycanlıarın Soyqırımı günü» münasibətilə ümumrayon anım mərasimi keçirilmişdir. Mərasim iştirakçıları öncə abidəni ziyarət etmiş, önünə gül-çiçək dəstələri düzmüşlər. Soyqırım qurbanlarının xatirəsi bir dəqiqəlik sükutla yad edilmişdir. Rayon İcra Hakimiyyətinin başçısı Nazim İsmayılov tədbir iştirakçılarına müraciət edərək xalqımızın başına gətirilən müsibətlərdən, erməni cəlladlarının törətdikləri vəhşiliklərdən ətraflı danışmışdır.

  • Sabirabad rayon Gənclər Mərkəzində ilk dəfə...

    Sabirabad rayon Gənclər Mərkəzində ilk dəfə səs verəcək gənclərlə görüş keçirilmişdir

    2018-03-30

    Respublikamızda bütün sahələr kimi, gənclərlə iş sahəsinə də dövlətimiz tərəfindən böyük diqqət və qayğı göstərilir. Azərbaycanda gənclər siyasəti dövlət siyasətinin mühüm tərkib hissəsidir. Gənclərin hərtərəfli inkişafı, ictimai-siyasi fəallığının artırılması üçün əlverişli şərait, möhkəm hüquqi baza yaradılmışdır. Azərbaycan gəncliyi ictimai-siyasi həyatın bütün sahələrində öz fəallığı ilə seçilir. Bu fikirlər Sabirabad rayon İcra Hakimiyyəti, Azərbaycan Prezidenti yanında Bilik Fondunun və Sabirabad rayon Gənclər və İdman idarəsinin birgə təşkilatçılığı ilə Prezident seçkilərində ilk dəfə səs verəcək gənclərlə keçirilən görüşdə səsləndirilmişdir.

  • Dövlət Gömrük Komitəsinin sədri Sabirabad ş...

    Dövlət Gömrük Komitəsinin sədri Sabirabad şəhərində vətəndaşları qəbul etmişdir

    2018-03-30

    Azərbaycan Respublikasının Prezidenti cənab İlham Əliyevin tapşırığına uyğun olaraq mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciətlərinin, ərizə və şikayətlərinin müsbət həlli üçün müvafiq tədbir görürlər. Martın 30-da Dövlət Gömrük Komitəsinin sədri, gömrük xidməti general-polkovniki Aydın Əliyev Sabirabad şəhərində vətəndaşları qəbul etmişdir.

  • Azərbaycan Respublikasının Prezidenti cənab İ...

    Azərbaycan Respublikasının Prezidenti cənab İlham Əliyevin sədrliyi ilə Bərdədə keçirilmiş pambıqçılığın inkişafı məsələlərinə dair Respublika müşavirəsində qarşıya qoyulan vəzifələrə həsr olunmuş ümumrayon yığıncağı keçirilmişdir

    2018-03-28

    Martın 28-də rayon İcra Hakimiyyətinin iclas zalında Azərbaycan Respublikasının Prezidenti cənab İlham Əliyevin sədrliyi ilə Bərdədə keçirilmiş pambıqçılığın inkişafı məsələlərinə dair Respublika müşavirəsində qarşıya qoyulan vəzifələrə həsr olunmuş ümumrayon yığıncağı keçirilmişdir. Tədbiri giriş sözü ilə rayon İcra Hakimiyyətinin başçısı Nazim İsmayılov açaraq bildirmişdir ki, martın 26-da Azərbaycan Respublikasının Prezidenti cənab İlham Əliyevin sədrliyi ilə Bərdədə keçirilən pambıqçılığın inkişafına dair Respublika müşavirəsində dövlətimizin başçısı qarşıya mühüm vəzifələr qoymuşdur.

  • Sabirabadda kənd təsərrüfatı məhsullarının...

    Sabirabadda kənd təsərrüfatı məhsullarının satış yarmarkaları təşkil edilmişdir

    2018-03-26

    Fevralın 17-dən başlayaraq həftənin hər şənbə və bazar günləri, habelə 20-26 mart Novruz bayramı günlərində rayon İcra Hakimiyyətinin təşəbbüsü ilə Sabirabad şəhərinin 20 Yanvar küçəsində kənd təsərrüfatı məhsullarının satış yarmarkası təşkil olunmuşdur.

  • Sabirabadda “İcmanın yerli problemlərinin hə...

    Sabirabadda “İcmanın yerli problemlərinin həllində səlahiyyətlərin artırılması və yerli idarəetmə ilə əməkdaşlığın gücləndirilməsi” layihəsi çərçivəsində təlimlər keçirilmişdir

    2018-03-18

    “Tərəqqi” Sosial Tədiqatlar və "Dalga" Ekologiya və Təbiətin Mühafizəsi İctimai Birliyi Avropa İttifaqının maliyyələşdirdiyi “Vətəndaş Cəmiyyəti və Vətəndaşların Maraqlarının Müdafiəsi" layihəsi çərçivəsində birgə həyata keçirdiyi “İcmanın Yerli Problemlərin Həllində Səlahiyyətlərinin Artırılması və Yerli İdarəetmə ilə Əməkdaşlığının Gücləndirilməsi” layihəsi çərçivəsində icma nümayəndələrinin iştirakı ilə növbəti təlimlər 16-18 mart 2018-ci il tarixdə Sabirabad rayonunun Heydər Əliyev Mərkəzində keçirilmişdir.

  • Azərbaycan polisinin məcburi köçkünlərə bay...

    Azərbaycan polisinin məcburi köçkünlərə bayram sovqatı

    2018-03-16

    Martın 16-da Novruz bayramı ərəfəsində Daxili İşlər Nazirliyinin bir qrup əməkdaşı rayonumuzun Şəhriyar köçkün qəsəbəsində məcburi köçkünlərlə görüşmüşdür. Tədbiri giriş sözü ilə açan rayon İcra Hakimiyyətinin başçısı Nazim İsmayılov qeyd etmişdir ki, qaçqın və məcburi köçkünlərə diqqət və qayğının əsası Ulu Öndər Heydər Əliyev tərəfindən qoyulmuşdur. Bu siyasi kurs möhtərəm Prezidentimiz cənab İlham Əliyev tərəfindən uğurla davam etdirilir. Nazim İsmayılov məcburi köçkünlərə xoş arzularını bildirmişdir.

  • Bahar təravətli Novruz yurdumuza qədəm qoydu

    Bahar təravətli Novruz yurdumuza qədəm qoydu

    2018-03-16

    Martın 16-da şəhərimizdəki Ümummilli Lider Heydər Əliyevin adını daşıyan istirahət parkında Novruz şənliyi keçirilmişdir. Park bayram libasına bürünmüşdü. Məktəblilərin əl işlərindən ibarət sərgilər, milli-mənəvi dəyərlərimizi tərənnüm edən eksponatlar, bayram şüarlı plakatlar parka xüsusi yaraşıq verirdi. Ətrafı musiqi sədaları bürümüşdü. Hamı deyib-gülür, şənlənirdi. Park, necə deyərlər, şənliklə sevincin qovuşduğu məkana çevrilmişdi. Bir sözlə, burada əsl bayram ab-havası hökm sürürdü.

  • Azərbaycan Respublikası Səfərbərlik və Hərb...

    Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov Sabirabadda vətəndaşları qəbul edib

    2018-03-15

    Martın 15-də Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov Sabirabad rayonunda Hacıqabul, Salyan, Neftçala, Kürdəmir, Sabirabad, Saatlı rayonlarının və Şirvan şəhərinin sakinlərini qəbul edib.

  • «Ölkəmizi tanıyaq» tur-aksiyasında rayonumuz...

    «Ölkəmizi tanıyaq» tur-aksiyasında rayonumuzun 40 məktəblisi iştirak etmişdir

    2018-03-15

    Azərbaycan Respublikasının Prezidenti cənab İlham Əliyevin tapşırığına əsasən ölkəmizin tarixinin, mədəniyyətinin, adət-ənənələrinin, müstəqillik illərində əldə etdiyimiz nailiyyətlərin dərindən öyrənilməsi məqsədilə respublikamızın müxtəlif şəhər və rayonlarında yaşayan məktəbli gənclərin bölgələrə səyahətləri çərçivəsində rayonumuzdan da 40 nəfər şagird bu tədbirə qatılmışdır. Martın 15-də «Ölkəmizi tanıyaq» tur-aksiyasında iştirak edən 40 nəfər IX-XI sinif şagirdi şəhərimizdəki Heydər Əliyev Mərkəzində ulu öndərin həyat və fəaliyyətini əks etdirən fotoşəkillər və sənədlərlə tanış olmuşlar.

  • Şıx Salahlı kəndində əhali ilə görüş ke...

    Şıx Salahlı kəndində əhali ilə görüş keçirilmişdir

    2018-03-13

    Martın 13-də Şıx Salahlı kənd mədəniyyət evində rayon İcra Hakimiyyətinin başçısı Nazim İsmayılov Şıx Salahlı kənd inzibati ərazi dairəsinin sakinləri ilə görüşmüşdür. O çıxış edərək ölkəmizdə və rayonumuzda aparılmış quruculuq işlərindən danışaraq respublikamızda aqrar sektorun inkişaf etdirilməsini iqtisadiyyatın şaxələndirilməsinin prioritet istiqamətlərindən biri olduğunu qeyd etmişdir.

  • Sabirabadda “Azərbaycanda qız övladlarının ...

    Sabirabadda “Azərbaycanda qız övladlarının dəyərinin təbliğ edilməsi üçün gənclərin maarifləndirilməsi” layihəsi çərçivəsində təlimlər keşirilmişdir

    2018-03-07

    “Azərbaycanda qız övladlarının dəyərinin təbliğ edilməsi üçün gənclərin maarifləndirilməsi” layihəsi çərçivəsində ilk təlim Sabirabad rayon Gənclər Mərkəzində həyata keçirilmişdir. Layihə Niderland Krallığının Azərbaycandakı səfirliyinin maliyyə dəstəyi, BMT-nin Əhali Fondunun, Gənclər və İdman Nazirliyi, Əmək və Əhalinin Sosial Müdafiəsi Nazirliyi, Ailə, Qadın və Uşaq Problemləri üzrə Dövlət Komitəsi və Gənclər Təşkilatları Milli Şurasının birgə təşkilatçılığı ilə həyata keçirilmişdir.

  • Sabirabad rayon Mədəniyyət Mərkəzində «8 Ma...

    Sabirabad rayon Mədəniyyət Mərkəzində «8 Mart - Beynəlxalq Qadınlar Günü» qeyd edilmişdi

    2018-03-07

    Martın 7-də rayon Mədəniyyət Mərkəzində 8 Mart Beynəlxalq Qadınlar Gününə həsr olunmuş bayram tədbiri keçirilmişdir. Mərasimə idarə və müəssisə rəhbərləri, təhsil, səhiyyə, mədəniyyət sahələrində, dövlət orqanlarında, kənd təsərrüfatında, ictimai təşkilatlarda çalışan qadınların, şəhid ailələrinin, məcburi köçkünlərin nümayəndələri dəvət olunmuşdular. Rayon İcra Hakimiyyətinin başçısı Nazim İsmayılov çıxış edərək cəmiyyətimizdə qadınların əvəzsiz rolundan danışmışdır.

  • Rayon İcra Hakimiyyəti başçısının Güdəcü...

    Rayon İcra Hakimiyyəti başçısının Güdəcühür kəndində səyyar qəbulu

    2018-03-06

    Martın 6-da Güdəcühür kənd mədəniyyət evində rayon İcra Hakimiyyətinin başçısı Nazim İsmayılov Güdəcühür kənd inzibati ərazi dairəsində yaşayan sakinlərlə görüşmüşdür. Tədbirdə RİHB aparatının məsul işçiləri, xidmət təşkilatlarının rəhbərləri iştirak etmişlər. Nazim İsmayılov ölkəmizdə və rayonumuzda görülmüş mühüm quruculuq işlərindən, aqrar sahədə qazanılmış uğurlardan və qarşıda duran vəzifələrdən danışmışdır.

  • Sabirabadda «5 Mart-Bədən Tərbiyəsi və İdma...

    Sabirabadda «5 Mart-Bədən Tərbiyəsi və İdman Günü» qeyd edilmişdir

    2018-03-05

    Sabirabadda «5 Mart - Bədən Tərbiyəsi və İdman Günü» münasibətilə tədbir keçirilmişdir. Tədbiri giriş sözü ilə açan rayon Gənclər və idman idarəsinin rəisi Nadir Quliyev ölkəmizdə bədən tərbiyəsi və idmanın inkişafından, idmana göstərilən dövlət qayğısından, rayon idmançılarının uğurlarından danışmışdır.

  • Minbaşı kənd inzibati ərazi dairəsində əhal...

    Minbaşı kənd inzibati ərazi dairəsində əhali ilə görüş keçirilmişdir

    2018-02-27

    Rayon İcra Hakimiyyəti başçısının ictimaiyyətlə sıx iş birliyi qurması praktikası mühüm əhəmiyyət kəsb edir. Belə tədbirlər zamanı adətən vətəndaşlar onları narahat edən məsələlər barədə açıq söhbət aparır, çətinliklərdən, mövcud problemlərin həlli yollarından danışır, habelə bunların aradan qaldırılması istiqamətində tədbirlər müəyyənləşdirilir. Bu baxımdan fevralın 27-də rayon İcra Hakimiyyətinin başçısı Nazim İsmayılovun Minbaşı kənd əhalisi ilə görüşü də işgüzar və səmərəli keçmişdir.

  • Sabirabadda Xocalı soyqırımının 26-cı ildön...

    Sabirabadda Xocalı soyqırımının 26-cı ildönümü anılmışdır

    2018-02-26

    Xocalı soyqırımı qurbanlarının xatirəsi fevralın 26-da Sabirabad şəhərində yerləşən Bayraq Muzeyində keçirilmiş anım mərasimində böyük ehtiram, dərin kədər hissi ilə qeyd edilmişdir. Rayonumuzda məskunlaşmış Xocalı sakinlərinin, idarə-müəssisə rəhbərlərinin və ictimaiyyətin nümayəndələrinin iştirakı ilə keçirilmiş anım mərasimindən əvvəl Xocalı soyqırımı qurbanlarına həsr olunmuş fotostendlərə baxış keçirilmişdir. Anım mərasimi faciə qurbanlarının xatirəsinin bir dəqiqəlik sükutla yad edilməsi ilə başlanmışdır. Rayon İcra Hakimiyyətinin başçısı Nazim İsmayılov mərasim iştirakçıları qarşısında çıxış etmişdir.

  • Muğan Gəncəli kənd inzibati ərazi dairəsi ü...

    Muğan Gəncəli kənd inzibati ərazi dairəsi üzrə nümayəndəlikdə əhali ilə görüş

    2018-02-21

    Fevralın 21-də Cəngan kənd mədəniyyət evində rayon İcra Hakimiyyətinin başçısı Nazim İsmayılov Muğan Gəncəli kənd inzibati ərazi dairəsi üzrə nümayəndəliyinin sakinləri ilə görüşmüşdür. Tədbirdə RİHB aparatının məsul işçiləri, rayonun aqrar sahəsi ilə əlaqəli olan idarələrin, xidmət təşkilatlarının rəhbərləri iştirak etmişlər. Görüşü Nazim İsmayılov açaraq tədbir iştirakçılarını salamlamış, dövlətimizin, möhtərəm Prezidentimiz cənab İlham Əliyevin yeritdiyi məqsədyönlü sosial-iqtisadi siyasət xəttindən, əhalinin sosial şəraitinin yaxşılaşdırılması istiqamətində görülmüş işlərdən danışmışdır.

  • Sabirabad şəhərində kənd təsərrüfatı məh...

    Sabirabad şəhərində kənd təsərrüfatı məhsullarının satış yarmarkası təşkil edilmişdir

    2018-02-17

    Fevralın 17-də rayon İcra Hakimiyyətinin təşəbbüsü ilə Sabirabad şəhərinin 20 Yanvar küçəsində kənd təsərrüfatı məhsullarının satış yarmarkası təşkil olunmuşdur. Yarmarkada ərzaq, gündəlik tələbat malları satışa çıxarılmışdır. Burada satılan məhsulların keyfiyyəti yüksək olmaqla qiymətləri bazar və digər ticarət şəbəkələrindəki qiymətlərdən ucuz idi. Yarmarkada bazarlıq edənlər buranı gülərüzlə, məmnunluq və razılıqla tərk edirdilər.

  • Sabirabad rayonunun Yolçubəyli kəndinə ilk də...

    Sabirabad rayonunun Yolçubəyli kəndinə ilk dəfə təbii qaz verilmişdir

    2018-02-17

    Fevralın 17-də Sabirabad rayonunun Yolçubəyli kəndinə təbii qazın verilməsi kənd sakinlərinin böyük sevincinə səbəb olmuşdur. Tədbirdə Sabirabad rayon İcra Hakimiyyətinin başçısı Nazim İsmayılov, “Azəriqaz” İstehsalat Birliyinin baş direktoru Əkbər Hacıyev və ictimaiyyət nümayəndələri iştirak etmişlər. Mərasimi giriş sözü ilə rayon İcra Hakimiyyətinin başçısı açaraq kənd sakinlərini qazın verilməsi münasibətilə təbrik etmiş, rayonun qazlaşdırılması sahəsində görülən işlərdən, ölkə başçısının bu sahəyə göstərdiyi diqqət və qayğıdan danışmışdır.

  • 2017-ci il rayonumuz üçün əlamətdar və uğur...

    2017-ci il rayonumuz üçün əlamətdar və uğurlu il olmuşdur

    2018-02-07

    Fevralın 7-də rayon Mədəniyyət Mərkəzində 2017-ci ilin yekunları və qarşıda duran vəzifələrə həsr edilmiş hesabat yığıncağı keçirilmişdir. Yığıncağa RİHB aparatının məsul işçiləri, hüquq-mühafizə orqanlarının, idarə, müəssisə və təşkilatların rəhbərləri, ərazi icra nümayəndələri, bələdiyyə sədrləri, təhsil, səhiyyə, mədəniyyət işçiləri, sahibkarlar, fermerlər, iş adamları, ağsaqqallar, siyasi partiyaların, qeyri-hökumət təşkilatlarının və kütləvi informasiya vasitələrinin nümayəndələri dəvət olunmuşdular.

  • Sabirabadda «Azərbaycan Gəncləri Günü» qeyd...

    Sabirabadda «Azərbaycan Gəncləri Günü» qeyd edilmişdir

    2018-02-02

    Fevralın 2-də rayon Mədəniyyət Mərkəzində «Azərbaycan Gəncləri Günü»nə həsr olunmuş bayram tədbiri keçirilmişdir. Tədbirdən əvvəl Azərbaycan Respublikasının Dövlət himni səsləndirilmişdir. Rayon İcra Hakimiyyətinin başçısı Nazim İsmayılov çıxış edərək gəncləri bayram münasibətilə təbrik etmiş, onlara xoşbəxt həyat, təhsildə, əmək fəaliyyətində böyük uğurlar arzulamışdır.

  • Sabirabadda 20 Yanvar faciəsinin ildönümü qeyd...

    Sabirabadda 20 Yanvar faciəsinin ildönümü qeyd olunmuşdur

    2018-01-20

    Sabirabad rayonunda 20 Yanvar faciəsinin 28-ci ildönümü münasibətilə kompleks tədbirlər keçirilmişdir. Qeyd etmək lazımdır ki, 1990-cı il yanvarın 20-də rayonun 2 sakini - Zəbulla Əliyev və Mehman Məmmədov milli azadlıq uğrunda öz həyatlarını qurban vermiş şəhidlərin arasında olmuşdur. Ümumiyyətlə, Ermənistan-Azərbaycan və Dağlıq Qarabağ münaqişəsi zamanı 225 nəfər ərazi bütövlüyü uğrunda mübarizədə şəhid olmuşdur. Onlardan üçü - Murad Mirzəyev, Mübariz Əhmədov və Fərhad Ağayev Azərbaycanın Milli Qəhrəmanıdır, Maqsud Daşdıyev, Yalçın Qəhrəmanov və Daşqın Əhmədov isə ölümlərindən sonra «Azərbaycan bayrağı» ordeni ilə təltif edilmişlər. Sabirabadda şəhidlərin xatirəsi həmişə əziz tutulur.